Түркістан — Ұлы Жібек жолының бойында орналасқан, сан дәуірдің куәсі болған көне өркениеттің орталығы.
Түркі дүниесінің тал бесігі,
Ата-баба аманаты мен мәдени мұра тоғысқан мекен.
Көшпенділердің даңқты жолы сақталып,
Бабалар рухы әлі де сайын далада қалықтап тұр.
Бүгінгі Түркістан — заманауи сәулет пен ұлттық рухтың жарасым тапқан мекені,
Тағылымды тарих пен жарқын болашақтың тоғысқан тұсы.
Қасиетті кесенелер мен көне керуен сарайлар жаңаша кейіпке еніп,
Өңірдің рухани орталығы ретінде жаңа тыныс алуда.
Бұл — жай ғана қала емес, бұл — ұлттың жүрегі.
Бұл — Түркістан.
21–23 тамыз күндері Түркістан қаласында
«Түркістан – әлемдік қолөнершілер қаласы» атты
бірегей халықаралық фестиваль өтеді!
Сіздерді күтеді:
🎨 Қолөнер шеберлерінің көрмесі
🍽 Ұлттық тағамдар жәрмеңкесі
🚗 Автофест
🎈 Әуе шарлары шоуы
🎶 Жанды музыка мен заманауи сахналық бағдарлама
🏡 «Бір ауыл – бір өнім» жобасының арнайы көрмесі мен жәрмеңкесі
«Бір ауыл – бір өнім» – ауылдық жерлердің бірегей табиғи, мәдени және қолөнер қазыналарын танытып, нарыққа шығаруға бағытталған жоба. Көрме мен жәрмеңкеде Түркістан облысының және өзге өңірлердің ауылдық шеберлері өз қолымен жасаған экологиялық таза өнімдерін, ұлттық нақыштағы бұйымдарын, табиғи тағамдарын ұсынады.
Келушілер тек тамашалап қана қоймай, ұнаған заттарын сатып ала алады. Мұнда:
ағаш және былғарыдан жасалған бұйымдар;
кестеленген ұлттық киімдер;
керамика және зергерлік өнер туындылары;
экологиялық таза тосап, бал, сүт өнімдері мен тағамдар;
ауыл шаруашылығы өнімдері ұсынылады.
*Жоба ауыл кәсіпкерлерін қолдап, жаңа жұмыс орындарын ашуға, дәстүрлі өнерді жаңғыртуға және жергілікті брендтерді қалыптастыруға бағытталған.*
Түркістан — дәстүр мен жаңашылдықтың тоғысқан ордасы.
Келіңіздер, көріңіздер, мерекелік атмосфераны бірге сезініңіздер!
📍 Өтетін орны: Мәдени-рухани орталық, Түркістан қаласы
🗓 Күні: 2025 жылғы 21–23 тамыз
